أدب وشعر

أرض الطيبين.

كتب/ عبد الله رجب

اة يا عب هادي
الهم دا بقالو خمسين سنة

لكن المرادي زاد الشقا

الأرض دي كانت جنة وسوسنه

اتكاترو علينا بالغلا

حتى الفقير ما عاد ليه عزا

الراجل الكبير

شق طريق من هنا

واخواتي متنتورين ف كل ناحية

اللي ف العراق واللي ف سوريا

واللي مربوط ف ساقية

وما حد حاسس بوجعي أنا

عارف ياواد يا عب هادي

انا حزين بجد المرادي

صوري وشعري وغنوتي وموالي

للغلابة اللي زيي

وما لاقي دعم ولا تقدير

من أهلي وناسي

فكرك الشعر بيوكل عيش

تقول ويقلب على مفيش

والله يا واد ما برتاح إلا وانا قاعد ع الخيش

حتى صحابي كلهم طلعو فاشوش

ونسيو إن إحنا أصل الجدعنة

أرض الطيبين حجرت

وسنابل الخوف طرحت

والراجل الكبير كنة غضبان

فاكر إن شعري للغلابة عصيان

وإني بقويهم ما عادتش الصحة زي زمان

والعلة فينا متمكنة

خلاص يا با سويلم

مبقاش بنحس ب الألم

بقينا تمام كوم رماد وعدم

ضحكو علينا ب الحلم

لحد السد ما اتملا

أرض الطيبين..

عبدالله رجب ابوعدنان

شاعر الغلابة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
Open chat