برقية تهنئة

تهنئة من جريدة الهرم المصرى نيوز بعيد ميلاد الدكتورة آمنة

تهنئة من جريدة الهرم المصرى نيوز بعيد ميلاد الدكتورة آمنة نجلة مهندس احمد امين مسعود وكلمات غالية من والدها

متابعة مجدى الغول مدير عام مكتب الجيزة وشمال القاهرة نقلا عن المهندس احمد امين مسعود

فيه معاني في الحياة مابنعرفهاش بجد غير لما بنختبرها ، الواحد وهو صغير كان بيحلم يخلف ولد يشيل أسمه ويبقى قادر يتحدى الصعوبات ويكمل ، وبعدين ربنا رزقني بأول فرحتي …….
بنتي …. “الدكتورة آمنة”
أحنا لسه النهارده بنحتفل بعيد ميلادها السابع بس ده لقبها الرسمي في العيلة
اللقب اللي حصلت عليه بعد لقطات ومواقف بشوفها قدامي كل يوم
ومع كل لقطة فيهم قلبي بيطير بيها …….
نشاطها ، التزامها ، حبها للمدرسة وللعلم …
عمري ما شوفت طفل بيظبط المنبة ويقوم متحمس عشان رايح للمدرسة زيها ،
تلبس وتحضر فطارها بنفسها ،
ترجع من المدرسة متحمسة عشان تمرين البالية ،
نشاطها وحبها للتجربة ،
عندها رأي وبتناقش ،،
تسمع وتركز وبعدين تتكلم ،،
آمنة اللي هتتم النهارده عامها السابع -ربنا يحميها- كانت لسه من أسابيع قاعدة معايا قبل دخول المدارس بتحسب الميزانية والمصروف ،
هيبقى معانا كام وهنقسمهم إزاي ،
بنتي اللي بشوفني فيها كل يوم واللي بتمنالها أحسن حاجة في الكون واللي لسه أمبارح كنت شايلها وهي لسه بنت شهر واحد دلوقتي بتجري جنبي وبتلعب
يا رب العمر كله يا آمنة ،
يا رب يكون نصيبك من الدنيا زي قلبك الجميل وروحك الخفيفة ،
ربنا يخليكي لينا دايماً مجمعانا في قعدة المزاج اللي بتحبي تعمليها وأحنا كلنا جنب بعض
كل سنة وأنتي بخير يا خليفتي …..

أحمد_أمين_مسعود

Hamdy

رئيس مجلس الإدارة ومعلم أول أ لغة إنجليزية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
Open chat