أدب وشعر

عشقتك يابلدي

بقلمي الشاعر/ محمد غبن

 

عشقتك يابلد و باين علي

وشي مرسوم في ملامحي

يوم إتولدت على أرضك بدلتي

حزني لفرح وطببتي جرحي

عشت فيك صغري برغم الدنيا

وعنادها لكنك إبدا ماجرحتي

وإلا مصيري ضايع تايه ومش

نافع علشان كدا مفحوره ف قلبي

برغم حاجات كتيره إنت عارفاها

كفاية وقفتك معايا وانا لوحدي

تايه ف الدنيا من غير أليف

يمسح عني ظلمها لجل اعيش

بس تعرفي وقتها كانت نفوس

طيبه صعب تكرارها ماسبتنيش

زي ماتقولي كدا حننتي قلوبهم

لكن معدش زيهم الوقتي ومفيش

العيب في مين يابلد النفوس

ولا إنتي خلاص تعبت من الأحوال

جواك مساكين كتيره محتاجين

حنيتك تبدلي حالهم لميت حال

لجل ماينساقوا ويمشوا في

طريق كله مخاطر وأهوال

قدرك كدا القلب الحنين اللي

لازم يضحي لجل تفرحي بيهم

يكبروا في خيرك تحت عينيك

وبحنانك بتبصي عليهم

محتاجين شعاع الأمل يكون

دفعة للأمام تطمن لياليهم

يخرجوا للحياه ناس نافعه

تتباهي في يوم إنك ربيتيهم

ماانت شايفه بنفسك لا عادت

هي الناس ولا عاد خير موجود

هم أولادك فبلاش يعيشوا

تايهين إصنعي ليهم وجود

افضل مايكون جوا قلوبهم

نقمه ويموت الحب والإنتماء

عناية ربنا بتحميكي مكلف

بيها ملايكة السماء

خلينا نعيش في قلبك جوا

نبضك وقتها محدش هيبخل بعطاء

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
Open chat